Иң сирәк күренеш

“Мисбах, кичә шундый нәрсә
Насыйп булды күрергә!
Табигатьттә иң сирәк ул,
Телим сиңа әйтергә!

Аны күрү – инде бәхет,
Бигрәк олы кешегә”
“Кайда шуны укып чыктың?”
“Челтәр сәхифәсендә.

Күп ата-аналар әле
Бу мизгелләрне көтә...”
“Мәчене койрыктан тартма,
Нәрсәне күрдең, сөйлә”

“Кичә, урамнан барганда,
Күрдем бер яшь малайны.
Ул шалтраткыч урынына
Кулда тотты китапны!”