Син дә яз ди, мин дә яз ди

Гаҗәп хәлләр. Авыз йомык.
Ә безгә соң ни кирәк?!
"Кирәк" сүзен тик беләбез.
"Кирәк"кә җавап — "көрәк"!
Үрсәләнеп шигырь җыям,
берәм-берәм, дикъкатьләп.
Кипкән яфрактай, бахырым,
тик коела бөртекләп.
Кем өчен соң? Дәвам бармы?
Аңлашылмаган сүзләр?!
Сәренҗе төсләр җуела,
тик соры, соры көннәр...
Бактың исә, һәркем яза,
чүпрә яхшы үрчетә.
Хәмер белән мал-мөлкәтең
кушкулларны биетә.
Син дә яз ди, мин дә яз диС,
Барсы язгач кем укыр?
Үзем өчен дигән булып
нарциссизм чәчәк атыр.
17.10.2024
Алсу Галеева