Татар сынмас

Күпме еллар безне сынар өчен
Җилләр искән, давыл кузгалган.
Тик татарның горур рухы һаман
Беркайчан да җиргә егылмаган.

Безнең моңда дала җиле исә,
Безнең җырда тарих яңгырый.
Күпме буын безгә мирас итеп
Туган телен, моңын калдыра.

Безнең көчтә — бердәм булган күңел,
Безнең көчтә — туган телебез.
Бер-беребез өчен терәк булып,
Яшәсәк тә әле җиңәрбез.

Татар рухы сүнмәсен күңелдә,
Татар сүзе калсын дөньяда.
Безнең җырлар, безнең туган тел
Яшәр әле бик күп елларга.