Каеннарның сары чагы

Кулын изәп сәламләде
Каенның чук-шәлләре.
Иңсәмә кадәр иелеп
Сораштырды хәлләрем.

Каеннарның сары чагы,
Бәхетебез кайда калды?
Киек кошларны озатып
Бераз ямансулап алдым.

Болытлар сибелгән күккә,
Садә хыялларым күп лә.
Әсәрләнгән җилләр мине
Болытларга чөеп сөйде.

Каеннарның сары чагы,
Яфраклары җиргә яуды.
Каен сердәше булырга
Йөрәгемне көзгә мандым.
10-11.10.2025
Алсу Галеева, Актаныш