Авылым

Туган туфрак — җан кирмәнем
Синнән ерак китәлмәдем,
Каеннарым, юкәләрем
Сездән башка түзәлмәдем.

Ягымлы итеп карыйдыр
Аем белән кояшкаем,
Карашымны иркәләгән
Авылым бар, авылкаем.

Ай калкытып, таң аттыра
Авылым офыклары ла,
Күңелемне нурга мана
Иң мөкатдәс моңнары ла.

Сөям дә мин, сөеләм дә
Җан кирмәнем, авыл, синдә.
Нурлы, якты хозурымда
Менә бәхетем ул нидә.
15,16.01.2026 Алсу Галеева, Актаныш