Минем галәмем

АЛСУ ГАЛЕЕВА
Минем галәмем

Мин тукылган нәзек җепселләрдән,
Учларымда нәфис дөньям бар.
Җаным, син — терәгем, ышанычым
Йөрәгемдә җылы булдырган.

Синең белән үсәм, чәчәк атам,
Шатлыкларның тәмен бүлешәм.
Фатихалы юллар кисешкәнгә,
Парлы гомерләргә сөенәм.

Балаларда безнең дәвамыбыз:
Сүзләрендә, йөздә, атлауда.
Алар өчен һәркөн, һәр сәгатьтә
Язмыш кабатласын: «Бисмилла».

Сез — минем тынычлык, якты нурым,
Минем чиксез, мәңгелек сөю.
Һәрдаим кабатлап әйтелер гел
— Күпсенмә бәхетемнән, дию.
Июль, 2026